Ферғана қаласындағы жанармай құю бекетінде болған өрт салдарынан жарақат алған үш азамат көрсетілген медициналық көмекке қарамастан ауруханада қайтыс болды.

Облыстық ІІБ ресми ақпаратына сәйкес, осы оқиғаға қатысты Қылмыстық кодекстің 257-бабы 3-бөлігі "а" тармағы және 259-бабы 3-бөлігі "а" тармағы бойынша қылмыстық іс қозғады.

Қазіргі уақытта қылмыстық іс аясында 5 адам процессуалдық тәртіп бойынша қамауға алынып, тергеу жүргізілуде.

Еске салар болсақ, 17 желтоқсан күні Ферғана қаласындағы жанармай құю бекетінде газ құю кезінде технологиялық процестердің бұзылуы мен техника қауіпсіздігі ережелерінің сақталмауы салдарынан ұшқын пайда болып, одан кейін өрт шыққан. Оқиға салдарынан 1 адам қаза тапқан еді.

Әлеуметтік желілерде халық көліктерге метан және пропан газын құю бекеттерін қаладан тыс жерлерге көшіруді нормативтік құжаттар талаптарына енгізуді сұрауда. Бұл мәселені шешу үшін Министрлер кабинеті немесе елдің Парламенті қарауы қажет.