Фарғонада теннис бўйича ўсмирлар ўртасидаги J100 таснифига кирувчи “Fergana Cup” халқаро турнирида яккалик ва жуфтлик беллашувлари давом этмоқда.

Яккалик баҳсларининг иккинчи даврасида ёш теннисчимиз Акмал Абдуллаев нейтрал теннисчи Савели Разанауни 2:6, 6:3, 6:3 ҳисобида енгди ва чорак финалга чиқди. Дарвоқе, бугун мазкур босқичда Сухроб Саидов ва нейтрал теннисчи Милан Таупенец, Абдулазиз Усмонжонов ҳамда нейтрал спортчи Федор Алтухов ўртасидаги баҳсларга гувоҳ бўламиз.  

Жуфтлик беллашувларининг чорак финалида ҳамюртларимиз Акмал Абдуллаев ва Данила Квасов тандеми Савели Разанау ҳамда Милан Таупенецни 1:6, 6:3, 10:8 ҳисобида таслим қилди. Шунингдек, Маҳмудбек Бекназаров ва Абдурахмон Каримов – Аҳмаджон Тошмуҳаммедов ҳамда Абдулазиз Усмонжонов ўртасидаги ўйин 1:6, 3:6 ҳисобида якунланди. Энди финал баҳси йўлланмаси учун ўтадиган ўйинда Аҳмаджон ва Абдулазиз жуфтлиги Акмал ва Данила тандемига қарши куч синашади.

Жавоҳир Тошхўжаев, ЎзА