Sirdaryoda "Yurtning kuchi birlikda, qadri esa tinchlikda" shiori ostida otaliqqa olingan yoshlar o‘rtasida Favqulodda vaziyatlar vaziri kubogi musobaqasi o‘tkazildi.
Musobaqa nizomiga ko‘ra, ishtirokchilar "Men qutqaruvchiman" estafetasi, "Birinchi yordam ko‘rsatish", " Dala chodirini tikish" hamda sportning bir qancha turlari bo‘yicha o‘zlarining har tomonlama tezkor va kuchli ekanligini namoyish etishdi.
Musobaqada viloyat favqulodda vaziyatlar boshqarmasi tomonidan 26 ta mahalladan otaliqqa olingan jami 288 nafar yosh ishtirok etib, viloyat bosqichida 80 nafar yoshdan iborat 10 ta mahalla jamoasi qatnashdi.
Qizg‘in va murosasiz o‘tgan bellashuvda Boyovut tumanining "Ijodkor" mahalla fuqarolar yig‘ini hududida istiqomat qilayotgan Sirdaryo viloyati favqulodda vaziyatlar boshqarmasi tomonidan otaliqqa olingan yoshlar poytaxtda o‘tadigan Favqulodda vaziyatlar vaziri kubogi respublika bosqichida ishtirok etish huquqini qo‘lga kiritdi.
G‘ulom Primov,
O‘zA muxbiri