Президентнинг "Соғлиқни сақлаш вазирлиги фаолиятини янада такомиллаштириш чора-тадбирлари тўғрисида"ги фармонига мувофиқ, Инвестициялар, саноат ва савдо вазирлиги ҳузуридаги Фармацевтика тармоғини ривожлантириш агентлиги Соғлиқни сақлаш вазирлиги тузилмасига мустақил юридик шахс мақоми ҳамда ўз фаолиятини молиялаштиришнинг амалдаги манбалари ва тартибини сақлаб қолган ҳолда ўтказилади.

Фармацевтика тармоғини ривожлантириш агентлиги фармацевтика саноати барқарор ривожланиши учун жавобгарликни тўлиқ зиммасига олади.

Шунингдек, фармонда 2024 йил 1 январдан Давлат тиббий суғуртаси жамғармаси ҳам Соғлиқни сақлаш вазирлиги тузилмасига ўтказилиши белгиланган.

М.Турдалиева,ЎзА