Yolqin To‘ychiyevning “Faridaning ikki ming qo‘shig‘i” badiiy filmi Rossiyada o‘tkazilgan “Moskva premerasi” xalqaro kinofestivalida Gran-prini qo‘lga kiritdi.

“Moskva premerasi” Hamdo‘stlik mamlakatlari filmlari II xalqaro festivali joriy yilning 12-17 noyabr kunlari Rossiyaning Moskva shahrida bo‘lib o‘tdi. Unda MDHga a’zo mamlakatlar, jumladan, Ozarbayjon, Gruziya, Qozog‘iston, Latviya, Moldova, Rossiya, O‘zbekiston, Estoniya kabi davlatlarning milliy filmlari ishtirok etdi.