Qozog‘istonning bir qator shaharlarida stol tennisi bo‘yicha jamoalar o‘rtasida III ochiq chempionat musobaqalari bo‘lib o‘tdi.

Belarus, Qirg‘iziston, Rossiya, Qozog‘iston mamlakatlarining kichik raketka ustalari qatnashayotgan turnirda mamlakatimiz sharafini Farg‘onaning “Dalina” jamoasi munosib himoya qilmoqda. Hamyurtlarimiz ochiq chempionatning 5-liga o‘yinlarida ishtirok etib, munosib natijaga erishdi.

Farg‘onalik stol tennischilar jamoasi musobaqada ishtirok etayotgan 16 ta jamoaning o‘z ligasida mag‘lub bo‘lmagan 6 ta jamoasidan biriga aylandi. 

Beshta ligada o‘tkazilgan ochiq chempionatning IV tur final o‘yinlari dekabr oyida tashkil etiladi. Unda 2023 yilgi mavsumning g‘olib va sovrindorlari, kuchli raketka ustalari aniqlanadi, deyiladi Qozog‘iston stol tennisi federatsiyasi xabarida.

T. Ro‘ziyev, O‘zA