Oltiariq tumanidagi madaniyat markazida O‘zbekiston Ekologik partiyasidan O‘zbekiston Respublikasi Prezidentligiga nomzod Narzullo Oblomurodovning Farg‘ona viloyati saylovchilari bilan uchrashuvi boshlandi.

Unda partiya faollari, deputatlar, xayrixohlar, hamkor tashkilotlar vakillari, mehnat faxriylari, yoshlar hamda ommaviy axborot vositalari xodimlari ishtirok etmoqda.

Uchrashuvni Ekologik partiyaning Farg‘ona viloyat Kengashi raisi Muhammadali Mahmudov ochdi.

–Prezidentlik saylovida O‘zbekiston Ekologik partiyasining ishtiroki tarixiy va sharafli voqelikdir, – deydi u. 

– Partiyamiz ilk bor bunday saylovda o‘z nomzodini ko‘rsatish imkoniga ega bo‘ldi. Uchrashuvimizdan maqsad Narzullo Oblomurodovning faoliyati va uning saylovoldi dasturida belgilangan maqsad va vazifalar bilan tanishtirish, eng asosiysi sizlar bilan ochiq va erkin muloqot olib borishdir.

Prezidentlikka nomzodning Farg‘ona viloyatidagi ishonchli vakili –Qo‘qon universiteti rektori Sherzod Mustafoqulov ishtirokchilarga nomzod Narzullo Oblomurodovning tarjimai holi va faoliyati to‘g‘risida atroflicha ma’lumot berdi.

Prezidentlikka nomzod Narzullo Oblomurodov o‘z saylovoldi dasturining muhim yo‘nalishlari bilan saylovchilarni tanishtirmoqda.

M. Sulaymonov, M. Qodirov (surat), O‘zA