Fotoreportaj

1 oktyabr – O‘qituvchi va murabbiylar kuni munosabati bilan Farg‘ona shahridagi "Afrosiyob" tantanalar majmuasida bayram tadbiri tashkil etildi. Tadbirda viloyat hokimi Xayrullo Bozorov, viloyat sektorlari rahbarlari, viloyatning barcha shahar-tumanlaridan kelgan 300 nafardan ziyod o‘qituvchi va murabbiylar, oliy ta’lim muassasalari rektorlari, professor-o‘qituvchilar hamda keng jamoatchilik vakillari ishtirok etdi.

[gallery-9007]

O‘zining mashaqqatli mehnati, ijodiy salohiyati bilan jamiyatimiz rivojiga munosib hissa qo‘shib kelayotgan o‘qituvchi-murabbiylarni, nuroniy ustoz faxriylarni tabriklash uchun so‘z olgan viloyat hokimi  Davlatimiz rahbari boshchiligidagi ulkan islohotlar doirasida ta’lim sohasining rivoji ustuvorlik kasb etayotganini, jamiyatimizda o‘qituvchilarning sha’ni va hurmatini ulug‘laydigan muhit shakllanayotganini ta’kidladi.

Tadbirda oliy o‘quv yurtlariga kirish ko‘rsatkichlari yuqori bo‘lgan umumta’lim maktablari direktorlari, faxriy ustozlar, bugungi kunda ta’lim tizimining barcha jabhalarida samarali faoliyat olib borayotgan o‘qituvchilar va murabbiylarning bir guruhi viloyat hokimligining faxriy yorliqlari, tashakkurnomalari va esdalik sovg‘alari bilan taqdirlandi.

Taniqli san’atkorlar tomonidan kuylangan kuy-qo‘shiqlar, go‘zal taronalar esa o‘yin-kulguga ulanib, barchaga ko‘tarinki kayfiyat bag‘ishladi.

:
Muqimjon QODIROV (surat), O‘zA 

.