Farg‘ona shahridagi Teatr konsert saroyida dronlar shousi bo‘lib o‘tdi.
O‘zbekiston Respublikasi Kadastr agentligi «Geoinnovatsiya markazi», Ichki ishlar vazirligi va Farg‘ona viloyati hokimligi hamkorligida tashkil etilgan tadbir avvalida viloyatning taniqli san’atkor va yosh iste’dodlari ishtirokidagi konsert dasturi namoyish qilindi.
Fayzli oqshomda besh yuzga yaqin uchuvchisiz qurilma vositasida namoyish qilingan turli shakl va ko‘rinishlar tomoshabinlar hayratiga sabab bo‘ldi.
– Bunday tadbirlar aholi kayfiyatini ko‘tarish, kunni mazmunli va maroqli o‘tkazish imkoniyatini beradi, - deydi ishtirokchilardan biri Anvar Mirzaahmedov. – Qiziqarli shou yoshlar ta’lim-tarbiyasi, bo‘sh vaqtni mazmunli va esda qolarli o‘tkazish, qo‘llab-quvvatlashda o‘ziga xos ahamiyatga ega.
Dronlar shousi tomoshabinlar qalbiga o‘zgacha ruh, kayfiyat bag‘ishladi.
Muqimjon QODIROV (surat), O‘zA