Фарғона вилоятида жиноят ишлари бўйича судлар томонидан жорий йилнинг ўтган даври мобайнида 1 минг 17 нафар аёлларга нисбатан 917 та жиноят иши кўрилган бўлиб, 936 та жиноят иши бўйича 846 нафар аёлларга озодликдан маҳрум қилиш билан боғлиқ бўлмаган жазо тайинланган.

Таҳлиллардан кўринадики, Қўқон, Фарғона, Марғилон шаҳарлари, Олтиариқ, Фарғона, Бешариқ, Ўзбекистон туманларидаги мутассади ташкилот раҳбарларининг хотин-қизлар ўртасида жиноятчиликни олдини олиш борасидаги фаолияти бугунги кун талаби даражасида ташкил этилмаганлигидан далолат беради.

Жиноят ишлари бўйича Ўзбекистон туман судининг 2021 йил 14 апрелдаги ҳукмига кўра, М.Эргашева Жиноят кодексининг 169-моддаси 3-қисми “а” банди (ўғирлик) билан судланиб, унга озодликдан маҳрум қилиш жазоси тайинланган. Судланган М.Эргашеванинг шахси ўрганилганида ишсиз, жиноят содир этган вақтда ҳомиладор бўлганлиги аниқланди.

Бу аёлнинг жиноят содир этишига моддий томондан етишмовчилик сабаб бўлиб, муаммоларига ўзи яшаб келган маҳалла фуқаролар йиғини етарлича эътибор қаратмаган.

М. Сулаймонов, ЎзА