Русский
Chinese
Turkish
Tajik
Kyrgyz
Turkmen
Japanese
Arabic
English
French
Spanish
Русский
German
Ўзбек
Oʻzbek
Қазақ
Farg‘onada 300 gektar maydonda ekoshahar hamda kichik sanoat hududi barpo etiladi
07:59 / 2021-08-17

Farg‘ona viloyatining shahar va tumanlari kundan kunga chiroy ochib, yangi qiyofaga kirmoqda. Aholi uchun qulay munosib turmush sharoitlarini yaratish hamda zamonaviy shaharsozlik borasidagi ishlar istiqbolli loyihalar sari undamoqda. Viloyat hokimi Xayrullo Bozorov Farg‘ona shahri va tumani tutashgan xalqaro aeroport yaqinidagi “Ilg‘or” mahalla fuqarolar yig‘ini hududida barpo etilishi rejalashtirilayotgan ekoshahar hamda kichik sanoat hududi loyihasini muhokama qildi.

Eski aerodom hududidan 150 metrlik muhofaza zonasi qoldirgan holda 24 ming ishchi o‘rni yaratiladigan kichik sanoat hududi joylashtiriladigan, so‘ngra 10 gektar maydondan iborat yashil hudud bilan qoplanib, 40 ming aholiga mo‘ljallangan 7-25 qavatli 313 ta ko‘p qavatli turar-joylar va ijtimoiy ob’ektlar bilan davom etadigan ekoshahar loyihasi jami 300 gektar maydonda amalga oshiriladi.

Viloyat hokimi loyihani takomillashtirish yuzasidan o‘z fikrlarini bildirib, shaharchaga keladigan asosiy yo‘llarni kelajakda ham yetarli kenglikda bo‘lishini, qurilishi rejalashtirilayotgan maktab, bog‘cha hamda boshqa ijtimoiy ob’ektlarning kutilayotgan aholi soniga mutanosib xizmat ko‘rsata olishi lozimligini, sanoat hududida joylashtiriladigan ishlab chiqarish korxonalarining ekoshahar konsepsiyasiga uyg‘un shaklda ekologik toza texnologiyalarga asoslangan bo‘lishini ta’minlash yuzasidan ko‘rsatmalar berdi.

Shuningdek, shaharchaning o‘rtasidan oqib o‘tishi rejalashtirilgan kanalni qazish ishlariga kirishish, shaharchadagi yashil maydon hududlarini rejasini belgilab, ekoshaharning obodonlashtirish loyihasini ishlab chiqish, bunda yashil maydonlar va daraxtzor orasida sayr qilish va velosport bilan shug‘ullanish uchun yo‘lakchalar bo‘lishini hisobga olish, kichik sanoat hududini 50 sotixdan lotlarga ajratib, tashabbuskorlarni aniqlash hamda onlayn auksion orqali savdoga chiqarish va boshqa topshiriqlarni belgilandi.

Farg‘ona shahar Alisher Navoiy ko‘chasi “Tadbirkorlar uyi” yonida 18 qavatli zamonaviy biznes va savdo markazi hamda mehmonxona qurilishi rejalashtirilmoqda. Binoning 1-qavatida savdo markazi, ko‘rgazmalar zali, 2-4-qavatlarida fast-fud shaxobchalari, savdo do‘konlari, ofislar hamda konferensiyalar zali o‘rin oladi. Qolgan qavatlar esa apartament shaklidagi mehmonxona nomerlaridan iborat bo‘ladi. Avtomobillar uchun liftli yerosti avtoturargoh ko‘zda tutilgan.Viloyat hokimi mazkur loyiha bilan tanishdi, kni amalga oshirish uchun tashabbuskorlarni aniqlash hamda salohiyatli kompaniyalar ishtirokida tender savdolarini tashkil etishni tezlashtirish bo‘yicha mas’ullarga ko‘rsatma va topshiriqlar berdi.

Al-Farg‘oniy hamda Saylgoh ko‘chalari kesishuvida joylashgan eski amfiteatr o‘rnida IT-Park va zamonaviy kutubxona barpo etiladi. Viloyat hokimi Xayrullo Bozorov bugun ushbu hududda bo‘lib, poydevorida cho‘kish va og‘ish yuzaga kelganligi sababli foydalanishga yaroqsiz holatga kelib qolgan amfiteatrda olib borilayotgan demontaj ishlarini ko‘zdan kechirdi hamda yangi loyihani mas’ullar ishtirokida muhokama qildi.

Aholi, ayniqsa, yoshlar uchun axborot texnologiyalari jadal ildamlayotgan bugungi kunda o‘ta zarur bo‘lgan IT-Park, shuningdek, zamonaviy kutubxona hamda til o‘rgatish markazini o‘z ichiga olishi rejalashtirilgan majmuaning taklif etilgan me’moriy loyihasi viloyat hokimining qator e’tirozlariga sabab bo‘ldi. Viloyat rahbari bir oy muddatda loyihani tubdan qayta o‘zgartirish bo‘yicha ko‘rsatmalar berdi. Shuningdek, aholiga qulaylik yaratish uchun binoning birinchi qavatiga savdo shaxobchalarini joylashtirish va ularni xo‘jalik hisobida faoliyat yuritadigan IT-Park balansiga berish orqali ushbu muassasani iqtisodiy qo‘llab-quvvatlash maqsadga muvofiq bo‘lishini aytib o‘tdi.

Shahar mas’ullariga qisqa muddatda eski amfiteatrni buzish ishlarini yakunlash hamda qurilish maydonchasini tayyorlash bo‘yicha topshiriq berildi.

bugungi  kunda shahardagi sobiq akvapark o‘rnida zamonaviy turar-joy majmuasi qurilishi boshlandi.  2,5 gektar maydonda “Fergana siti stroy” MCHJ tomonidan barpo etishga kirishilgan ushbu turar-joy mamjuasi 7-9 qavatli 13 ta  turar-joy binosidan iborat bo‘ladi. Yangi uylardagi xonadonlarning katta qismining maydoni aholiga ipoteka krediti asosida sotib olishga qulay bo‘lishligi uchun 50-60 kv. metrdan iborat bo‘ladi. Majmuada qurilayotgan binolarning birinchi qavatida savdo va xizmat ko‘rsatish shaxobchalari ham o‘rin oladi. Viloyat hokimi loyiha bilan yaqindan tanishgach, qurilish ishlarini bir yil ichida yakunlash bo‘yicha o‘z tavsiyalarini berdi.

 

M. Sulaymonov, O‘zA