Фарғона вилояти Қўштепа тумани "Халқобод" маҳалла фуқаролар йиғинида яшовчи Р.Ғ туманнинг Обод кўчасида яшовчи Х.Х нинг ишончига кириб, сотмоқчи бўлган “ЗИЛ-130” русумли юк автомашинасини 10 минг АҚШ долларига сотишига ёрдам беришини ва автомашинасига харидор топганлигини айтган.

Унга мазкур харидор берган 10 минг АҚШ долларини берган вақтида ушбу пуллар қалбаки эканлиги аниқланган. Ҳозирда мазкур ҳолат юзасидан Марғилон шаҳар ИИБ ҳузуридаги тергов бўлими томонидан Жиноят кодексининг 168-моддаси 3-қисми “а” банди билан жиноят иши қўзғатилиб, тергов ҳаракатлари олиб борилмоқда. 

М. Сулаймонов, ЎзА