Бош прокуратура ҳузуридаги Департаментнинг Фарғона вилояти бошқармаси томонидан ўтказилган терговга қадар текширувда фуқаролар Ё.Т. ва Р.Б.лар фуқароларнинг ишончига кириб, уларнинг қўшни Қирғизистон Республикасидаги ўқишларини Андижон давлат тиббиёт олийгоҳига ҳамда Наманган давлат университетига кўчириб бериш эвазига С.нинг 2 000 АҚШ долларини, М.нинг 1 200 АҚШ долларини ва О.нинг 20 млн сўмини фирибгарлик йўли билан қўлга киритганликлари аниқланган.

Департамент, ДХХ ҳамда ИИБнинг Фарғона тумани бўлимлари томонидан ўтказилган тезкор тадбирда қўшни давлат фуқароси А.О. фуқаро Н. ва Г.ларнинг ишончига кириб, уларни 12 000 АҚШ доллари эвазига Ўш давлат университетига ўқишга киритиб қўйишни ваъда қилиб, шундан 8 000 АҚШ долларини олган вақтида ашёвий далиллар билан ушланган.

Мазкур ҳолатлар юзасидан Жиноят кодексининг тегишли моддалари билан жиноят иши қўзғатилиб, тергов ҳаракатлари ўтказилмоқда.

М. Сулаймонов, ЎзА