Фарғона шаҳрида фуқарога ордер асосида уй олиб беришни ваъда қилган фирибгар ушланди
Бош прокуратура ҳузуридаги Департаментнинг Фарғона вилояти бошқармаси томонидан ИИБ билан ўтказилган тезкор тадбирда муқаддам фирибгарлик ва бошқа жиноятлари учун судланган шахснинг қинғир ишига чек қўйилди. М.Д. фуқаро Г.нинг ишончига кириб, унга 3 700 АҚШ доллари эвазига танишлари ёрдамида Фарғона шаҳар ҳокимлиги балансидаги хонадонлардан бирини ордер расмийлаштириб олиб беришни ваъда қилиб, шундан 2 700 АҚШ долларини олган вақтида ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
М. Сулаймонов, ЎзА