Малайзиянинг Куала-Лумпур шаҳрида ўтказилган “QS Higher Education Summit Asia Pacific – 2023” саммити доирасида QS рейтинг ташкилоти Осиё университетларининг 2024 йил учун рейтинг (QS Asia University Rankings – 2024) натижаларини эълон қилди.

Ушбу рейтинг натижаларига кўра, мамлакатимизнинг 6 та ҳудудидан 14 та олий таълим муассасаси Осиёнинг энг яхши университетлари рўйхатидан ўрин олди ва ТОП-1000 таликда эътироф этилди. 

Мазкур эътирофга, энг аввало, мамлакатимизда кейинги йилларда таълимга бўлаётган эътибор, хусусан, олий таълим тизимида олиб борилаётган изчил ислоҳотлар натижаси сифатида қарашимиз лозим. 

Президентимизнинг 2019 йил 8 октябрдаги “Ўзбекистон Республикаси олий таълим тизимини 2030 йилгача ривожлантириш концепсиясини тасдиқлаш тўғрисида”ги ҳамда 2023 йил 11 сентябрдаги “Ўзбекистон - 2030” стратегияси тўгрисида”ги фармонларида мамлакатиздаги 10 та олий таълим муассасасини дунёнинг энг нуфузли “Топ-1000” олий таълим ташкилотлари рейтингига киритишга эришиш вазифаси белгиланган. Ушбу натижа республикамиз олий таълим муассасаларининг халқаро нуфузини ошириш бўйича белгиланган аниқ ва мақсадли вазифаларга эришишда яна бир катта қадам бўлди, десак муболаға бўлмайди. 

<iframe width="650" height="420" src="https://www.youtube.com/embed/MzHcFhKaIgI" title="Фарғона политехника институти Осиёдаги ТОП-1000 таликдан ўрин олди" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" allowfullscreen></iframe>

Фарғона политехника институти дунёнинг нуфузли ташкилотларидан бири QS рейтинг агентлиги томонидан эътироф этилган мамлакатимиздаги 14 та олий таълим муассасаси қаторидан ўрин олди. Институт халқаро ҳамкорлик бўйича проректори Илимдоржон Жаҳонгировнинг айтишича, бундай эътироф институт жамоаси ҳамда талабаларига фахр ва ғурур бағишлайди ва келгусида бунданда юқори марраларни забт этишга ундайди. 

Маълумот учун: яқинда мамлакатимиз олий таълим муассасалари ҳамда илмий ташкилотларнинг 2022 йил фаолияти натижаларига кўра, миллий рейтинги эълон қилинди. 

Ушбу рейтингда Фарғона политехника институти "Топ-5" ликдан ўрин эгаллади. Институт 2020 йил натижаларига кўра, 53-поғонада қайд этилган бўлса, охирги йиллардаги тизимли ишлар натижасида 2021 йил якунларига кўра, рейтингда 34-ўринни, янгиланган рейтинг натижаларида эса 29 ўрин юқорилаб, республика ОТМлари умумий рейтингида 5-поғонада эътироф этилди. 

М.Сулаймонов, ЎзА мухбири