Бугун Фарғона вилояти Қувасой шаҳридаги “Кимёгар” болалар оромгоҳида карантинда бўлган 45 нафар юртдошларимизда коронавирус касаллиги аниқланмаганлиги учун улар ўз яшаш манзилларига кузатиб қўйилди.

14 кун давомида тиббий кузатувда бўлганларнинг 40 нафари Фарғона вилояти, 3 нафари Андижон ва 2 нафари Наманган вилоятларида яшовчи фуқаролар бўлган.

Шунингдек, кеча Олтиариқ туманида жойлашган “Фахрийлар сиҳатгоҳи”да 47 нафар ҳамда Риштон туманидаги “Ёшлик” соғломлаштириш профилакториясидаги 23 нафар тиббий кузатувда бўлган фуқароларда касаллик аломатлари аниқланмаганлиги учун уйларига қайтарилди.