Mahalla xotin-qizlar faollari o‘rtasida “Toshkentning faol ayoli – 2024” sport musobaqalari bo‘lib o‘tdi.
Unda voleybol bo‘yicha, Mirzo Ulug‘bek, Yakkasaroy va Shayxontohur tumanlari jamoasi g‘oliblikni qo‘lga kiritdi.
Shaxmat sport turi bo‘yicha Uchtepa tumani “Qo‘rg‘ontepa” mahalla xotin-qizlar faoli E’zozaxon Karimova, Yashnobod tumani “Asalobod” mahalla xotin-qizlar faoli Mohichehra Aliyorova hamda Mirobod tumani “Bilimdon” mahalla xotin-qizlar faoli Nargiza Mamatova g‘oliblikka erishdi.
Shuningdek, shashka sport turi bo‘yicha ham musobaqa bo‘lib o‘tdi. Unda Sergeli tumani “Farog‘atli” mahalla xotin-qizlar faoli Gulsuma Normurodova, Yashnobod tumani “Radjapova” mahalla xotin-qizlar faoli Mohira Rajapova hamda Chilonzor tumani “Sharq” mahalla xotin-qizlar faoli Sharofat Abdiyeva g‘alaba qozondi.
G‘oliblar Toshkent shahar hokimligi tomonidan esdalik sovg‘alari bilan taqdirlandi.
Gulnoza Boboyeva, O‘zA