Qoraqalpogʻiston Respublikasi Xotin-qizlar qoʻmitasi, Jismoniy tarbiya va sport vazirligi, Velosiped sporti federatsiyasining Qoraqalpogʻiston Respublikasi boʻlimi tomonidan tashkil etilgan tadbirda ishtirokchilar uchta yosh toifasida, yaʼni 18-30, 31-45 hamda 45 yoshdan yuqori boʻlgan havaskor velosipedchilar gʻoliblik uchun bahslashdi.

Musobaqa yakunida 18-30 yoshdagi ayollar oʻrtasida Kamila Doshanova, erkaklar oʻrtasida Omongeldi Berdiboyev, 31-45 yoshdagi ayollar oʻrtasida Goʻzal Xudoyberganova, erkaklar oʻrtasida Zarliqboy Nurabullayev, 45 yoshdan yuqori boʻlgan ayollar oʻrtasida Raya Jumanbetova, erkaklar oʻrtasida Quanish Xudoyberganov 1-oʻrinni qoʻlga kiritdi.

– Havaskor velosipedchilar oʻrtasidagi musobaqada ilk marotaba ishtirok etishim, – deydi Nukus kompyuter va axborot texnologiyalari kasb-hunar kolleji oʻquvchisi Kamila Doshanova. – Bahs menda katta taassurot qoldirdi. Kelgusida bunday musobaqalarda muntazam ishtirok etishni oʻzimga maqsad qildim.

Gʻolib va faol ishtirokchilar tashkilotchilar tomonidan munosib taqdirlandi.