Пойтахтимиздаги Алишер Навоий номидаги Ўзбекистон Давлат академик катта театри биносида бўлиб ўтаётган тантанали тадбирда соҳанинг фаол вакилларига Ўзбекистон касаба уюшмалари Федерациясининг лауреати нишони топширилди.

Ўткир Шерипов ана шундай лауреатлардан биридир. У Қорақалпоғистон Республикаси Тўрткўл туманидаги 68-мактабда биология фани ўқитувчиси бўлиб ишлайди. Ёш муаллимнинг ўқувчилари билимлар беллашувлари, фан олимпиадаларида фаол ва муваффақиятли қатнашади.

– Давлатимиз раҳбарининг табриги назаримда тадбирнинг барча иштирокчиларини руҳлантирди, – деди Ўткир Шерипов. – Бугунги кунда ўқитувчиларни ижтимоий ҳимоялаш, моддий ва маънавий қўллаб -қувватлашга катта эътибор қаратилмоқда. Бунда касаба уюшмалари ташкилоти ҳам ўз ҳиссасини қўшмоқда.

Тантанали тадбир давом этмоқда.

Н.Усмонова, ЎзА