Falastin – Isroil ziddiyatida 27 jurnalist qurbon bo‘lgan
Falastin – Isroil mojarosi keskinlashgandan buyon halok bo‘lgan OAV xodimlari soni 27 nafarga yetdi, deyiladi Jurnalistlarni himoya qilish bo‘yicha xalqaro qo‘mita (Committee to Protect Journalists – CPJ) tarqatgan xabarda.
Avvalroq 24 jurnalist halok bo‘lgani haqida ma’lumot berilgan edi.
– 27 jurnalist halok bo‘lgani tasdiqlangan, – deyiladi qo‘mita sayti axborotida. – Ularning 22 nafari falastinlik, to‘rt nafari isroillik va bir nafari livanlik.
Shuningdek, sakkiz jurnalist jarohat olgani, to‘qqiz nafar muxbir ushlangani yoki bedarak ketgani aytilyapti.