Өзбекстан павильоны «Expo Osaka 2025 Kansai» халықаралық көрмесінде «Көрме стендтері» номинациясы бойынша әлемге танымал «Red Dot Award: Brands & Communication Design» байқауында «Red Dot: Best of the Best» жүлдесін иеленді.

Red Dot Award - бұл дизайн мен коммуникация саласындағы ең беделді жаһандық марапаттардың бірі. Бұған дейін бұл сыйлыққа Apple, Ferrari, Philips, LG сынды әлемдік деңгейдегі жетекші брендтер ие болып, бүгінгі күннің дизайн мен брендинг стандарттарын қалыптастырған болатын.

Биыл осы құрметті тізімге Өзбекстан павильоны да қосылды. Халықаралық сарапшылар павильонды елдің бай мәдени мұрасын, ашықтығын және заманауи дамуын айшықтайтын бірегей жоба ретінде жоғары бағалады.

Айта кету керек, Бүкіләлемдік «Expo Osaka 2025» көрмесінде Өзбекстан Мәдениет және өнерді дамыту қоры тұрақты даму мақсаттарының үш негізгі бағытына: сапалы білім, қолжетімді және таза энергия, индустрияландыру, инновациялар мен инфрақұрылым салаларындағы жетістіктерді көрсететін «Ілімдер бақшасы» жобасын ұсынды.

Өзбекстанның бұл көрмеге қатысуы ұлттық жетістіктерді паш етуге, туризмді дамытуға, инвестициялар тартуға, сондай-ақ халықаралық әріптестік пен мәдени алмасуды кеңейтуге жаңа мүмкіндіктер ашады.