Шу кунларда Қозоғистон Республикаси Президенти Телерадиокомплекси ва Хитой Медиакорпорацияси ҳамкорлигида “Ипак йўли юлдузи” (Silk Way Star) халқаро мусиқий лойиҳаси амалга оширилмоқда.

Жорий йил 20 август куни суратга олиш жараёни бошланган ушбу мусиқий дастур Осиёдаги илк вокал конкурси ҳисобланади.

Лойиҳада 12 давлат - Озарбайжон, Арманистон, Грузия, Малайзия, Қозоғистон, Хито́й, Қирғизистон, Мўғулистон, Тожикистон, Туркманистон, Ўзбекистон ва Жанубий Кореядан номзодлар иштирок этмоқда.

Дастурнинг биринчи сони 20 сентябр “Jibek Joly” телеканали орқали эфирга узатилди. “Ипак йўли юлдузи” — 10 лавҳадан иборат: 9 таси ёзиб олинган кўрсатув, охиргиси финалда тўғридан-тўғри эфир орқали намойиш этилади.

Дастлабки босқичда Ўзбекистон вакили Мадинабону Одилова “Кетавер” қўшиғини ижро этиб, иккинчи ўринни эгаллади. Биринчи ўрин Малайзиялик иштирокчига насиб қилди.

Евросиё минтақасининг янги маданий бренди сифатида эътироф этилаётган мазкур танлов иштирокчилари ва ҳакамлари турли маданий тадбирларда ҳам қатнашади.

<iframe width="560" height="315" src="https://www.youtube.com/embed/oS58TfTpuAs?si=yIK4uIY-YdkyIGJ7" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Б.Худойбердиев,

ЎзА