“INTERFAX.RU” хабарига қараганда, Европанинг қатор давлатлари, жумладан, Греция, Италия, Испания ва Венгрияда 5 ёшдан 11 ёшгача бўлган болаларни “COVID-19”га қарши эмлаш тадбирларига киришилди.

“Associated Press” тарқатган хабарда Греция таълим вазири Ники Керамеоснинг онлайн-анжумандаги: “Яширмайман, шифокорларнинг маслаҳатидан кейин беш ярим ёшли ўғлимиз ҳам эмланади”, деб айтгани келтирилган.

Ўтган ойда Европа мувофиқлаштирувчиси 5 ёшдан 12 ёшгача бўлган болаларни эмлашни маъқуллаган, улар кам дозали вакцина билан, 12 ёшдан ошганларга эса катталарга хос вакцина билан эмланади.