Европада 130 мингдан ортиқ хонадон электр таъминотидан узилган
Европанинг қатор мамлакатлари, жумладан, Буюк Британия, Дания, Польша ва Германияда юз берган кучли бўрон оқибатида 130 мингдан ортиқ хонадон электр энергиясисиз қолган. Бу ҳақда “Euronews” хабар берди.
“Малик” деб аталувчи бўроннинг тезлиги соатига 135 километрга етган. Электр узатиш тармоқлари шикастлангани боис узилиш бир кундан ортиқ давом этган.
– Корхоналарда иш жараёни тўхтаб қолган. Поездлар ҳаракати тўхтатилди, йўллар ёпилган. Маҳаллий полиция аҳолига уйда қолишни сўраяпти, – дейилади хабарда.
Маълумот ўрнида, Дания бўрон оқибатларидан энг кўп жабрланаётган мамлакат бўлди. Пойтахт Копенгагенда барча поездлар ҳаракати тўхтатилган. Дания ва Швецияни боғловчи кўприк эҳтиёт чораси сифатида ёпилган.