Европа Иттифоқи 2019 йил Марказий Осиё билан ҳамкорлик бўйича алоҳида стратегия қабул қилган. Шунингдек, Европа Парламенти томонидан 2024 йил январда тасдиқланган резолюция асосида кўҳна қитъа Шарқ мамлакатлари билан кенг қамровли ва стратегик шерикликни мустаҳкамлаш йўлидан бормоқда.

Сўнгги йилларда мулоқотнинг институционал механизми такомиллаштирилди, ўзаро ишонч кучайди. Натижада минтақавий барқарорлик, иқтисодий ривожланиш ва ўзаро боғлиқликни таъминлашга қаратилган ҳаракатлар жадаллашди.

Табийки, олий даражадаги сиёсий алоқа фаоллашди. 2023-2024 йиллари Марказий Осиё давлатлари Президентлари Европа Иттифоқи мамлакатлари, жумладан Германия, Франция, Венгрия, Бельгия, Италия ва Австрияга 20 га яқин расмий ва амалий ташриф амалга оширган. Германия, Франция, Венгрия ва Нидерландия раҳбарлари Марказий Осиёнинг қатор давлатларига ташриф буюрган.
Шу нуқтаи назардан жорий йил апрель ойида Самарқандда бўлиб ўтадиган биринчи Европа Иттифоқи – Марказий Осиё саммити, шубҳасиз, тарихий воқеа сифатида минтақалараро ҳамкорликни узоқ муддатли истиқболда янада ривожлантиришга хизмат қилади.

<iframe width="640" height="420" src="https://www.youtube.com/embed/OAOHKQC9LU0" title="Yevropa va Markaziy Osiyo uziga tegishli &quot;kuprik&quot; mustahkamlanadi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Мусулмон Зиё,

Нишонбой Абдувоитов (видео), ЎзА