27 ноябрь куни Европа Парламенти ЕИни қитъа хавфсизлигини таъминлаш ва Украинада тинчликни сақлашда фаолроқ иштирок этишга чақирувчи резолюция қабул қилди.

Ҳужжатнинг асосий қоидалари шундай:

Украина учун хавфсизлик кафолати - Ўт очишни тўхтатиш “янги тажовузнинг олдини олиш” учун Европа Иттифоқи ва АҚШнинг ишончли хавфсизлик кафолати билан бирга амалга оширилиши керак.

Резолюцияда АҚШ танқид қилиниб, Вашингтоннинг номувофиқлигига ишора қилинган ва Украина ўз иттифоқчиларини танлаш ва ҳудудий яхлитлигини ҳимоя қилиш ҳуқуқини сақлаб қолиши кераклиги таъкидланган.

Киев учун репарация кредити - Европа Парламенти аъзолари музлатилган Россия активи билан таъминланган Украина учун кредит механизмини яратиш таклиф қилинмоқда. Украинлар тақдири ЕИ иштирокисиз муҳокама қилиниши мумкин эмас. Тинчлик шартномаси тузилмагунча санкция бекор қилинмаслиги лозим ва агар Москва музокарадан бош тортса, ЕИ босимни кучайтириши керак.

Ҳудудий яхлитлик ҳақидаги бандда “Вақтинча босиб олинган Украина ҳудуди ЕИ ва аъзо давлатлар томонидан Россия ҳудуди сифатида тан олинмайди. Европа Украина бўйича ҳар қандай музокарада “Украинасиз Украина ҳақида ҳеч нарса, Европасиз Европа ҳақида ҳеч нарса” тамойилига мувофиқ иштирок этиши керак.

С.Раҳимов, ЎзА