– Европа Комиссияси яқин ҳафталарда Киевга Россиянинг музлатилган активлари гарови остида янги кредит олиш бўйича таклиф киритишга тайёр, - деди ЕИ комиссари Валдис Домбровскис. – Брюссель “репарация кредити” деб атаган янги кредит Россия Марказий банкининг Европа Иттифоқида сақланаётган иммобилизацияланган активларидаги қолган нақд пулдан молиялаштирилади.

Унинг сўзларига кўра, ЕК ташаббуси “халқаро ҳуқуққа тўлиқ мос келади”.

Таъкидланишича, G7 томонидан келишилган Россия активлари ҳисобидан олинган кредит бўйича Киев аввал ваъда қилинган 45 миллиард евронинг 25 миллиард евродан ортиғини олган.

2022 йилдан бери Евроиттифоқ Украинага 178 миллиард евро ажратган, дейилади хабарда.

Маълумот ўрнида: РФ – Украина зиддияти бошланганидан сўнг, ЕИ ва G7 давлатлари Россия валюта захираларининг деярли ярмини музлатиб қўйди. Бу тахминан 300 миллиард еврони ташкил этади. 

С.Раҳимов, ЎзА