– Агар биз воқеа жойида ҳақиқий ва барқарор ўзгаришларни, жумладан, Ғазога келаётган инсонпарварлик ёрдам ҳажмининг ошишини кўрмасак, Исроилга нисбатан санкциялар кучда қолади, - дея таъкидлади Европа Иттифоқи дипломатияси раҳбари Кая Каллас.

ЕИ томонидан Исроилга нисбатан санкциялар жорий этиш масаласи ҳали ҳам очиқлигича қолмоқда, чунки Ғазо секторидаги вазият шу кунгача ўнгланмаган. Бу ҳақда Люксембургда бўлиб ўтган Европа Иттифоқи мамлакатлари ташқи ишлар вазирлари учрашуви пайтида Кая Каллас маълум қилди. Дипломатлар Ғазодаги вазиятни жуда нозик деб баҳолаб, Исроил ҳукуматига босимни камайтириш мумкин эмаслигини таъкидлашмоқда.  

Калласнинг сўзларига кўра, ЕИнинг Исроилга қарши санкциялардан воз кечиши учун яна бир қатор шартлар ҳам мавжуд: улар қаторида журналистлар ва гуманитар ташкилотлар ходимларининг Ғазога кириш имкониятини таъминлаш, шунингдек, бунга нодавлат ташкилотларнинг рўйхатдан ўтиш ҳуқуқини кафолатлаш ҳам киради.  

Ўтган ой Европарламент раҳбари Урсула фон дер Ляйен Исроил давлати билан ҳамкорликни чеклаш, унинг ҳукуматидаги айрим шахсларга нисбатан санкциялар жорий этиш ва Исроил билан ЕИ ўртасидаги бир қатор келишувларни тўхтатиб туришни таклиф қилган эди.

Экспертлар фикрича, ҲАМАС гуруҳининг қуролсизланишдан бош тортиши оташкесим режасини хавф остига қўяди.

<iframe width="560" height="315" src="https://www.youtube.com/embed/y_VCyDAQNlA?si=2IDPgHgu6HXm9qgm" title="YouTube video player" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бекжонов, Улуғбек Тўхтаев, ЎзА