Бельгия “AstraZeneca” препарати кечиктирилиши сабаб қонуний чоралар қўллагани тўғрисида хабарлар тарқалди. Ирландия соғлиқни сақлаш вазири “Комиссия томонидан суд иши қўзғатилгани”ни айтди.

Таъкидланишича, “AstraZeneca” компанияси апрель, май ва июнь ойларида вакцинани етказиб бериш бўйича келишувларни бузиши мумкин.

Еврокомиссия вакили Эрик Мамер “Euronews”га берган интервьюсида ташкилот “AstraZeneca” компаниясига қарши қонуний чораларни ҳали бошламаганини айтган.  

Дарвоқе, кўплаб ОАВ, жумладан, Reuters ва Politico мазкур иш ҳақида мунтазам хабарлар тарқатмоқда.

Компания жорий йилнинг иккинчи чорагида Европа Иттифоқини 180 миллион доза препарат билан таъминлашни ўз зиммасига олган. Аммо етказиб беришда жиддий муаммолар кузатилмоқда. Натижада Европа Иттифоқи компанияни ўз мажбуриятини бажармаганликда айблади.

Шуни ҳам таъкидлаш жоизки, ушбу вакцинага дастлаб кўпгина давлатлар қарши чиққан эди. Масалан, ўтган ҳафта Дания “AstraZeneca”ни ўз эмлаш дастуридан чиқариб юборган Европадаги биринчи мамлакат бўлди.

Шу билан бирга вакцинанинг фойдаси унинг хавфидан юқори экани айтилмоқда.