АҚШ президенти Дональд Трамп душанба куни РФ етакчиси Владимир Путин билан телефонда суҳбатлашганидан сўнг, Германия канцлери Фридрих Мерц Европа етакчилари Россияга қарши янги санкциялар жорий этиш нияти борлиги ҳақида маълум қилди.

– Биз Украинани ўт очишни тўхтатиш йўлида фаол қўллаб-қувватлаймиз, шунингдек, Европа санкциялар билан энди Москвага босимни кучайтиради, -деб ёзди у ўз ижтимоий тармоғида.

Трампнинг ўзи ҳам Путин билан мулоқотдан сўнг Россия ва Украина зудлик билан ўт очишни тўхтатиш ва низони тугатишга олиб келадиган музокараларни бошлашини айтди, бироқ Европа томонидан Россияга қарши санкциялар жорий этилиши ҳақида шахсий фикр билдирмаган.

К. Бекжонов, ЎзА