Еврокомиссия “Astra Zeneca” компанияси билан вакцина етказиш бўйича битимни узайтирмайди
Европа комиссияси “Astra Zeneca” компанияси билан вакцина етказиб бериш бўйича шартномани узайтиришдан бош тортди.
“Reuters”нинг ички бозор масалалари бўйича еврокомиссар Тьерри Бретон сўзларига таяниб берган маълумотига қараганда, Евроиттифоқ шу йилнинг июнигача бўлган вакцина етказиш бўйича битимни узайтирмайди.
Апрелда Еврокомиссия AstraZeneca компаниясини вакцина етказиб бериш жадвалига амал қилмагани учун судга бериб, даъво аризасида вакцина ишлаб чиқарувчи компания икки томонлама битимнинг қатор бандларини бажармаётганини баён қилганди.