Футбол бўйича Германияда ўтаётган Европа чемпионати ҳамда АҚШ мезбонлигида ўтаётган «Копа Америка» кубогида чорак финал баҳслари ўз якунига етди.

Европа чемпионатининг 1/2 финал учрашувининг илк баҳсида Испания ва Франция термалари 10 июль куни ўзаро рақобатлашади. Иккинчи жуфтлик – Англия ҳамда Голландия термалари беллашуви 11 июль куни бўлиб ўтади. Ҳар икки ўйин Тошкент вақти билан соат 00:00 да бошланади.

«Копа Америка»нинг чорак финал учрашувлари якунига кўра, Аргентина, Канада, Колумбия ва Уругвай терма жамоалари ярим финал босқичига йўл олди. Энди финал йўлланмаси учун ўтадиган ўйинда Аргентина – Канада (10 июль ), Уругвай – Колумбия (11 июль) термалари тўқнашувига гувоҳ бўламиз. Ўйинлар Тошкент вақти билан тонги соат 05:00да старт олади.

Жавоҳир Тошхўжаев, ЎзА