Германияда ўтаётган Европа чемпионатининг “E” ва “F” гуруҳларида 3-тур учрашувлари бўлиб ўтди.

“E” гуруҳидан ўрин олган Бельгия ҳамда Украина терма жамоалари ўртасидаги баҳсда ҳисоб очилмаган бўлса, Словакия — Руминия учрашуви 1:1 ҳисобидаги дуранг билан якунланди.  

Мазкур натижалардан сўнг ушбу гуруҳда барча жамоалар 4 очкодан жамғарди. Гуруҳдаги вазият эса тўплар нисбатига кўра ҳал қилинди. Унга кўра, Руминия ва Бельгия биринчи ва иккинчи ўрин билан нимчорак финалга йўл олди. Словакия эса энг яхши учинчи ўрин эгасига айланган бўлса, Украина термаси 4-поғонада қолиб кетди.  

“F” гуруҳида кутилмаганда Грузия терма жамоаси 2:0 ҳисобида Португалияни таслим этган бўлса, Туркия 2:1 ҳисобида Чехиядан устун келди.  

Шу тариқа Португалия ва Туркия гуруҳ пешқадамлари сифатида навбатдаги босқичга йўл олди. Биттадан ғалаба, дуранг ва мағлубият қайд этган Грузия 4 очко жамғарган ҳолда энг яхши учинчи ўрин соҳиби сифатида 1/8 финалга чиқди.  

Маълумот ўрнида: Европа чемпионатида Нидерландия, Грузия, Словакия 4 очко билан, Словения эса 3 очко билан энг яхши 3-ўрин соҳиблари сифатида плей-офф босқичида иштирок этиш ҳуқуқига эга бўлди.  

Чемпионатнинг нимчорак финал баҳслари 29 июнь – 2 июль кунлари оралиғида бўлиб ўтади.  

Қуйида 1/8 финал босқичидан ўрин олган ўйинлар рўйхати билан танишасиз:  

29 июнь, шанба:  

Швейцария – Италия (21:00);  

Германия – Дания (23:59.);  

30 июнь, якшанба:  

Англия – Словакия (21:00.);  

Испания – Грузия (23:59.);  

1 июль, душанба:  

Франция – Бельгия (21:00.);  

Португалия – Словения (23:59.);  

2 июль, сешанба:  

Руминия – Нидерландия (21:00.);  

Австрия – Туркия (23:59.).  

Жавоҳир Тошхўжаев,

ЎзА