Еуропалық Одақ Ресейге қарсы 11-ші санкциялар пакетін әзірлеуде.

Бұл туралы CNBC телеарнасына берген сұхбатында қаржылық тұрақтылық пен қызмет көрсету жөніндегі Еуропалық комиссияның мүшесі Мэрид МакГиннесс мәлімдеді.

Оның айтуынша, бұл бұрыннан бар шектеулерді айналып өту әрекеттерімен күресуге бағытталған. Кезекті пакетте басқа да шектеулер бар.

Еурокомиссар сонымен қатар ЕО АҚШ, Ұлыбритания, Канада және Жапониямен Ресейге қарсы санкциялардың тиімді қолданылуын қамтамасыз ету үшін жұмыс істеп жатқанын мәлімдеген.