Еуропалық кеңес басшысы Шарль Мишель 20 сәуір күні таңертең кенеттен Киевке келді.

Бұл туралы ол Twitter-де Киев вокзалынан түсірілген суретті жариялап, «Бүгін Киевте. Азат және демократиялық Еуропаның жүрегінде», - деп жазды Мишель.

Киев вокзалынан Шарль Мишельді Украина билігінің өкілдері мен ЕО-ның Украинадағы өкілі Матти Маасикас қарсы алды.

Еуропалық кеңес төрағасының сапары барысында Украина билігінің өкілдерімен бірқатар кездесулер, оның ішінде Украина президенті Владимир Зеленскиймен келіссөздер өткізуі жоспарланған.