Еуропалық Одақтың тұрақты өкілдері сәрсенбіде Ресейге қарсы тағы бір санкциялар пакетін мақұлдады.

Euronews дерегінше, жетінші санкциялар пакетінің шектеулеріне жаңа экспорттық бақылаулар мен Сбербанк активтеріне тыйым салу, сондай-ақ ресейлік алтын импортына эмбарго кіреді.

«Біз жаңа ғана Ресейге қарсы санкциялардың жаңа пакетін бекіттік, оның ішінде алтынға тыйым салу, жаңа экспорттық бақылаулар, Сбербанк активтеріне тыйым салу, 50-ден астам жаңа жеке және заңды тұлғалар», - деп жазған Литваның ЕО-дағы тұрақты өкілі Арнольдас Пранцкявичюс твиттер парақшасында.

Оның айтуынша, жаңа санкциялар тізіміне ресейлік бизнесмендер, журналистер мен саясаткерлер орын алған.