АҚШ президенті Дональд Трамп дүйсенбі күні Ресей басшысы Владимир Путинмен телефон арқылы сөйлескеннен кейін, Германия канцлері Фридрих Мерц Еуропа көшбасшыларының Ресейге қарсы жаңа санкциялар енгізу ниеті бар екенін мәлімдеді.

– Біз Украинаны атысты тоқтату жолында белсенді қолдаймыз, сондай-ақ Еуропа енді Мәскеуге санкциялар арқылы қысымды күшейтетін болады, – деп жазды ол өзінің әлеуметтік желідегі парақшасында.

Ал Трамптың өзі Путинмен әңгімеден кейін Ресей мен Украина тез арада атысты тоқтатып, қақтығысты аяқтауға бағытталған келіссөздерді бастауы тиіс екенін айтқан. Алайда, Еуропа тарапынан Ресейге қарсы жаңа санкциялар туралы жеке пікір білдірмеген.