Еуропалық Одақтың сыртқы істер және қауіпсіздік саясаты жөніндегі жоғары өкілі, Еуропалық комиссияның вице-президенті Джозеф Боррел Самарқандқа келді.

Өзбекстан Сыртқы істер министрлігінің хабарлауынша, жоғары мәртебелі мейманды Самарқанд халықаралық әуежайында Өзбекстан Республикасының Сыртқы істер министрі Владимир Норов қарсы алды.

Джозеф Боррел «Еуропа Одағы – Орталық Азия» форматындағы ірі шараларға қатысады.

Самарқанд қаласында «Еуропалық Одақ-Орталық Азия» форматындағы сыртқы істер министрлерінің келесі кездесуі мен Өзара тәуелділікті нығайту жөніндегі бірінші министрлер конференциясы ұйымдастырылады, делінген хабарламада.