Еуро U-21 турнирінде Англия құрамасы чемпион атанды
Грузия мен Румынияда өткен футболдан жастар арасындағы Еуропа чемпионаты аяқталды.
Финалда Англия Кертис Джонстың жалғыз голының арқасында Испанияны жеңіп, чемпион атанды. Бір қызығы, испандықтар ойынның 90+8-минутында пенальтиді пайдалана алмады. Есеп 1:0.
Осылайша Ли Карсли шәкірттері Еуро U-21 турнирінде кубокты иеленді. Бұл жағдай Англияға 1984 жылдан бері U-21 Еуропадағы алғашқы жеңіс.