Футболдан Еуро-2024 ойындарына қатысатын ұлттық құраманың саны 26-ға дейін ұлғайтылды.

УЕФА атқару комитетінің мүшелері құрама команда ойыншылардың санын қашықтан дауыс беру арқылы 23-тен 26-ға дейін ұлғайту туралы шешім қабылдады.

22 сәуірде бұл бастаманы УЕФА ұлттық құрамаларының жарыс комиссиясы жеткілікті дауыспен қолдады. Бұған дейін бұл ұсынысты қазіргі жарысқа қатысып жатқан командалардың кейбір бапкерлері де ортаға салған болатын.

Жарыстағы командалар матчтың ресми құрамына барлық 26 ойыншыны енгізе алады.

Айта кетейік, дәл осындай тәжірибе 2021 жылғы ең кейінгі Еуропа чемпионатында, сондай-ақ 2022 жылы Қатарда өткен әлем чемпионатында да сақталған болатын.

Еуро-2024 14 маусым мен 14 шілде аралығында Германияда өтеді.