Sirdaryo viloyati Xovos tumanidagi “Qayirma” mahallasida istiqomat qiluvchi Turdiali Mo‘minov matonati, mehnatsevarligi bilan el orasida hurmat qozonganlardan.

U besh yoshida avtohalokat tufayli o‘ng oyog‘idan ajralgan. T.Mo‘minov imkoniyati cheklangan bo‘lishiga qaramay o‘zining 15 sotix tomorqasida sabzavotlarni yetishtirib, 40 million so‘mdan ziyod daromad oladi, shu tariqa oilasini ta’minlab kelmoqda. Barchaga o‘z matonati bilan ibrat bo‘layotgan Turdiali Mo‘minov O‘zbekiston Respublikasi mustaqilligining o‘ttiz ikki yilligi munosabati bilan “Jasorat” medali bilan taqdirlandi.  

Sirdaryo viloyati hokimi Akmaljon Mahmudaliyev Turdiali Mo‘minovning xonadoniga tashrif buyurib viloyat hokimligining esdalik sovg‘alarini taqdim etib, uning ko‘ksiga “Jasorat” medalini taqib qo‘ydi.  

Sh.Suyarov, O‘zA