Эстонияда тіркелген тікұшақ Балтық теңізіндегі Вилсанди мен Сааремаа аралдарының арасындағы су айдынына құлап түсті.

Эстония полициясы мен шекара қызметі таратқан алдын ала ақпаратқа сәйкес, оқиға барысында бортта 7 адам болған – 5 ересек және 2 кәмелетке толмаған бала, ешқайсысы жарақат алмаған.

Тікұшақ авариялық қону жасап, суға түскен, нәтижесінде аударылған, бірақ автоматты суға қону жүйесі іске қосылғандықтан, ол батып кетпеген. 

Барлық жолаушылар тікұшақ кабинесінен өздігінен шығып, тікұшақ корпусында құтқарушылар келгенше күткен. Ерікті теңіз құтқарушылары оқиға орнына 20 минутта жетіп, жолаушыларды Викати портына жеткізген. Медициналық тексеру нәтижесінде ешқайсысының медициналық көмекке мұқтаж еместігі анықталған.

Тікұшақ Вилсандидан Таллинге бағыт алғаны белгілі болды. Апаттың нақты себебі авиациялық оқиғаларды тергеу орталығының қатысуымен зерттеліп жатыр.