Самарқанд давлат тиббиёт институтида эстетик ботулинотерапияни амалий қўллаш имкониятларининг замонавий муаммоларини муҳокама қилиш мақсадида «Эстетик ботулинотерапиянинг янги имкониятлари» халқаро илмий-амалий конференцияси бўлиб ўтди. Конференцияда стоматологлар, оториноларингологлар, олимлар ва эстетик тиббиёт мутахассислари иштирок этишди.

Очилиш маросимида Самарқанд давлат тиббиёт институти ректори Жасур Ризаев, “AestheticsBeauty” МЧЖ директори Гулнора Расулова, Самарқанд давлат тиббиёт институти дерматология ва венерология кафедраси мудири Зоҳид Aширов ўз қутловларини йўллади.

Халқаро илмий-амалий конференциянинг асосий маърузачиси — пластик жарроҳ, дерматолог, косметолог, эстетика ва соғлиқни сақлаш клиникасининг бош шифокори (Екатеринбург, Россия), APTOS мураббийи, "INMODE Aesthetic Solutions" сертификатланган мураббийи, “NPO Mikrogen” ОAЖ тиббий маслаҳатчиси Егор Aбрамов биринчи ботулотоксин Релатокс: registered: (AО “NPO Mikrogen”)ни ишлаб чиқаришининг техник хусусиятлари ва афзалликлари ҳамда юз-жағни анатомик хусусиятлари ва муваффақиятли ва хавфсиз усуллар орқали тузатиш каби долзарб мавзуларида иккита кенгайтирилган маъруза қилди.

Соҳага оид энг замонавий маълумотлар иштирокчиларга батафсил тушунтириб берилди.

 Халқаро форум давомида Релатох препарати билан ботулинумтерапияси процедураларининг видео намойиши ҳам бўлиб ўтди.

Унда маърузачилар, конференцияда иштирок этган етакчи мутахассислар ва амалиётчилар ўз фикрларини билдирди.

 Конференция, шубҳасиз, минтақадаги эстетик стоматология ва оториноларингология, эстетик тиббиётнинг бошқа соҳаларини ривожлантиришга, ушбу соҳадаги етакчи олимлар ва амалиётчилар билан халқаро алоқаларни ўрнатишга ижобий таъсир кўрсатади.

ЎзА