АҚШ ва Эрон жума куни музокара ўтказади, бироқ учрашув дастлаб келишилганидек Туркияда эмас, балки Оманда бўлиб ўтади. Бу ҳақда Эрон ҳукумати манбаларига таяниб, Evronews хабар берди.

Маълумотларга кўра, Эрон делегацияси нафақат учрашув жойини, балки кун тартибини ҳам ўзгартиришга ҳаракат қилган. Теҳрон музокараларни фақат ядровий дастур билан чеклаб, АҚШ учун муҳим бўлган баллистик ракеталар, қуролланган гуруҳларни қўллаб-қувватлаш ва инсон ҳуқуқлари масалаларини муҳокамадан чиқармоқчи бўлган. Бу эса америкаликларни қониқтирмагани айтилади.

Аввал АҚШ ва Эрон бошқа Яқин Шарқ давлатлари кузатувчи сифатида иштирок этадиган кўп томонлама маслаҳатлашувлар ўтказишга келишган эди. Бироқ кейинчалик, Теҳрон икки томонлама шаклда музокара олиб боришни маъқул кўрган.

6 февраль куни бўлиши кутилаётган учрашувлар 2025 йил Исроил–Эрон ўртасидаги 12 кунлик урушдан кейинги илк тўғридан-тўғри музокаралар бўлади.

<iframe width="650" height="420" src="https://www.youtube.com/embed/Ex53SzY90h8" title="Ertaga AQSH va Eron o‘rtasida yadroviy masalalar muhokama qilinadi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бекжонов, Анвархўжа Аҳмедов, ЎзА