Эроннинг Тошкентдаги элчихонасида президент сайлови иккинчи босқичи бўлиб ўтди
Бугун Эрон Ислом Республикасида ҳамда мамлакатнинг хорижий давлатларда очилган сайлов участкаларида президент сайловининг иккинчи босқичи ўтказилди.
Ўзбекистон Республикасида вақтинча яшаб турган эронликлар ушбу мамлакатнинг Тошкентдаги элчихонаси биносида очилган овоз бериш масканига келиб, икки номзоддан бирига овоз беришди.
Эрон конституциясига кўра, президент сайловининг биринчи турида 50 фоиздан кўп овоз олган номзод мамлакат раҳбарлигига сайланган ҳисобланади. Ҳеч бир даъвогар етарли натижани қайд эта олмаса, ғолиб энг кўп овоз тўплаган икки номзод иштирокидаги иккинчи босқич якуни бўйича аниқланади.
Эрон Ислом Республикаси элчихонаси
Тошкент шаҳри.