Эрон чемпионатида футболчиларимиз сони тобора ортиб бормоқда.

Аҳамиятлиси, бу чемпионатда тўп тепаётган ўзбекистонликларнинг барчаси терма жамоамиз етакчилари саналади. Дарҳақиқат, форс клублари жаҳон бозорида анча талабгорларига эга бўлиб қолган ўзбекистонлик футболчиларни ўз таркибига қўшиб олиши яхши стратегия. Сабаби, Мундиалдан сўнг футболчиларимизнинг аксари Европанинг кучли чемпионатларига йўл олиши мумкин. Бундан ташқари, мамлакатдаги вазият бироз беқарор бўлиб турган ҳолатда аксар Европа грандларида тўп тепаётган юлдузларни Эронга олиб келиш катта муаммо. Шу сабабли улар даража нуқтаи-назаридан улардан паст бўлмаган Ўзбекистон термаси юлдузларини қадрламоқда ва клублари доимий тарзда футболчиларимизни кузатиб бориб, имкон бўлиши билан улар билан шартнома имзолаяпти.  

Эрон термамиз юлдузлари сони жиҳатдан Туркиядан устун ва сифати борасида ҳам баҳслаша олади. Гарчи, Машарипов ва Сергеевнинг ёши 30 дан ошган бўлса-да, Ҳамробеков, Рустам Ашурматов, айниқса, Остон Ўрунов каби футболчиларимизни Мундиалдан сўнг яна ҳам катта клубларда кўрсак ажаб эмас.  

Дарвоқе, галдаги видео айнан Эронда тўп тепаётган легионерларимиз ҳақида. Ушбу видеони “You Tube” саҳифамизда томоша қилишингиз мумкин.

<iframe width="640" height="420" src="https://www.youtube.com/embed/Q7Xd9SISB8E" title="Eronliklarning suyuklisiga aylangan o‘zbeklar" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Карим Худойқулов, Анвархўжа Аҳмедов (видео), ЎзА