Қарийб 20 та мамлакат махсус хизмати Эронда 2022 йил куз-қишда юз берган тартибсизликни ташкил қилишда фаол иштирок этган, деди Ислом инқилоби қўриқчи корпуси разведка ташкилоти раҳбари бригада генерали Муҳаммад Козимий “Jamaran” агентлиги мухбирига.

2022 йил сентябрь-декабрь оралиғида Эрон оммавий норозилик, тартибсизликни бошдан ўтказган эди. Воқеа полициячилар томонидан ҳибсга олинган эронлик талаба Маҳси Аминийнинг ўлимидан кейин кескин тус олди. Ҳукумат Ғарб мамлакатлари ва Исроилни намойишни қўллаб-қувватлашда айблади.