Эрон шимолида 5,1 магнитудали зилзила қайд этилди, деб хабар тарқатди Европа-Ўрта ер денгизи сейсмология маркази.

Мутахассислар таъкидлашича, ҳодиса соат 17:49 да 124 минг киши яшайдиган Семнан шаҳридан 36 километр масофада кузатилган. Силкиниш ўчоғи 10 километр чуқурликда экани айтилмоқда.

Эрон матбуоти табиий офат Теҳрон, Қум ва Каражда ҳам сезилгани тўғрисида ёзган.

Қурбонлар ва вайронагарчилик ҳақида ҳозирча маълумот йўқ.