Хабар берганимиздек, пара таэквондо бўйича Ўзбекистон терма жамоаси аъзолари Эрон пойтахти Теҳрон шаҳрида бўлиб ўтган Осиё таэквондо федерацияси президенти кубогида муваффақиятли иштирок этди.

Теҳронда кечган шиддатли баҳсларда матонатли спортчиларимиз 2 тв олтин, 2 та кумуш ва 3 та бронза медалларига сазовор бўлишди.

Эрондаги халқаро мусобақада зафар қучган пара таэквондочиларимиз бугун 17 март тонгда юртимизга қайтиб келишди.

Уларни Тошкент халқаро аэропортида Ўзбекистон Миллий паралимпия қўмитаси вакиллари, ота-оналар ва оммавий ахборот воситалари ходимлари, спорт жамоатчилиги вакиллари тантанали кутиб олишди.

ЎзА