Эроннинг Tasnim ахборот агентлиги маълум қилишича, мамлакатнинг жануби-ғарбида Хузестан вилоятидаги Абадан шаҳрида ўн қаватли бино қулаб тушган, қурбонлар борлиги айтилмоқда.

"Амири кўчасидаги бинонинг бир неча қисми қулаган. Бинодагилар тўлиғича эвакуция қилинган. Бино ёнида турган транспорт воситалари зарар кўрди", – дейилади агентлик тарқатган хабарда.

Ҳозирча фалокат натижасида  тўрт киши жабр кўрган ва барчаси маҳаллий касалхонага ётказилган. Бир киши ҳалок бўлган, дейилади хабарда.
Кейинроқ Фарс ахборот агентлиги Эрон Яримой жамияти берган маълумотига таяниб маълум қилишича, қулаб тушган 10 қаватли бино вайроналари остида камида 80  киши қолмоқда. 

Сўнгги маълумотларга кўра, фалокат оқибатида тўрт киши қурбон бўлган, 25 киши жабр кўрган.